Қытай экономиканың ашықтығын кеңейту бағытын жалғастыра отырып, кедендік баж салығының нөлдік мөлшерлемесі қолданылатын елдердің санын 63-ке жеткізді.
Бұл туралы ҚХР Бас кеден басқармасының басшысы Сунь Мэйцзюнь мәлімдеді. Оның айтуынша, мамыр айынан бастап Қытай дипломатиялық қарым-қатынас орнатқан Африканың барлық 53 мемлекетіне қатысты кеңейтілген бажсыз импорт режимін қолдана бастады.
Осы саясатты жүзеге асыру үшін кеден органдары тәуекелдерді бағалау негізіндегі бақылау жүйесін енгізіп, тауарларды нарыққа жіберу рәсімдерін жеңілдетті және ауыл шаруашылығы мен азық-түлік өнімдеріне арналған «жасыл дәліздерді» кеңінен қолдана бастады.
Нәтижесінде, 2026 жылдың бірінші жартыжылдығында Қытай мен Африка елдері арасындағы тауар айналымы өткен жылдың сәйкес кезеңімен салыстырғанда 19,6 пайызға өсті. Бас кеден басқармасының мәліметінше, 2026–2030 жылдар аралығында Қытай сыртқы нарықтарды әртараптандыруды жалғастырып, кедендік рәсімдерді жетілдіреді, сондай-ақ еркін сауда туралы келісімдер мен экономиканы одан әрі ашуға бағытталған басқа да шараларды іске асыруға жәрдемдеседі.
