Қазақстан мен Қытай сауда, инвестиция, жасанды интеллект және пайдалы қазбаларды «жасыл» өндіру салаларындағы практикалық ынтымақтастықты тереңдетуге ниетті. Бұл бағыттар Бейжіңде Қазақстан Премьер-министрінің бірінші орынбасары Нұрлыбек Нәлібаев пен Қытай Халық Республикасы Мемлекеттік кеңесі Премьерінің орынбасары Дин Сюэсянның кездесуінде талқыланды.
Дин Сюэсян екі мемлекет басшылары қол жеткізген уағдаластықтарды жүзеге асырудың және екі ел өкілдері тең төрағалық ететін Қазақстан-Қытай ынтымақтастық жөніндегі комитетінің әлеуетін одан әрі пайдаланудың маңызын атап өтті. Тараптар сауда мен инвестициялық өзара іс-қимылды дамытуға, жасанды интеллект технологияларын енгізуге және пайдалы қазбаларды «жасыл» өндіру саласындағы ынтымақтастыққа ерекше назар аударуға ниетті.
Нұрлыбек Нәлібаев Қазақстанның Қытаймен тығыз өзара іс-қимылды жалғастыруға және өзара мүдде тудыратын бағыттар бойынша практикалық ынтымақтастықты дамытуға дайын екенін растады.
Кездесу Қазақстан Премьер-министрінің бірінші орынбасарының Қытайға жұмыс сапары аясында өтті. Экономикалық ынтымақтастықтың негізгі бағыттарымен қатар келіссөздер барысында ауыл шаруашылығы, жоғары технологиялар, өңіраралық байланыстар және трансшекаралық өзендер мәселелері талқыланды.
