100-ге жуық елдің өкілдері жаһандық басқаруды реформалау, БҰҰ-ның рөлі, климаттың өзгеруі, жасанды интеллект және халықаралық сауда мәселелерін талқылау үшін Қытайда бас қосады. Жаһандық басқару жөніндегі форум 23–25 қазан аралығында Хэбэй провинциясындағы Сюнъань жаңа ауданында өтеді.
Қытай халықтық дипломатия институтының (CPIFA) хабарлауынша, іс-шараға Жаһандық Оңтүстік, Еуропа және Америка елдерінің өкілдері қатысатынын растады.
Форум саясаткерлерді, сарапшыларды, ғалымдарды, бизнес, бұқаралық ақпарат құралдары және жастар ұйымдарының өкілдерін біріктіреді. Негізгі назар халықаралық сенімді нығайтуға, көпжақты ынтымақтастықты дамытуға және жаһандық басқару тетіктерін жетілдіруге аударылады.
Іс-шара «Сенім мен ынтымақтастықты қалпына келтіру: өзгермелі әлемдегі жаһандық басқаруды реформалау және жетілдіру» ұранымен өтеді.
Бағдарлама аясында қатысушылар Қытайда «болашақ қаласы» деп аталатын Сюнъань жаңа ауданының дамуымен де танысады.
Форумның ұйымдастырушысы — Қытай халықтық дипломатия институты.
