Алматы облысында «Қарапайым заттар экономикасы» бағдарламасы шеңберінде бүгінге 34 млрд. теңгенің 176 жобасы мақұлданған. Бұл туралы бүгін облыстық мәслихат депутаттары алдында есеп берген облыс әкімі Амандық Баталов айтты, - деп хабарлайды Алматы облысы әкімінің баспасөз қызметі.
Амандық Баталовтың айтуынша, қазіргі таңда құрылыс материалдары бойынша жергілікті мазмұнның үлесі 92%-ке, азық-түлік өндірісінде – 89%, жеңіл өнеркәсіпте 75%-ке жеткен.
Жыл соңына қарай өңірдегі өнеркәсіп өнімінің көлемі 1 трлн. теңгеден асады, шикізаттық емес экспорт 406 млн. АҚШ долларына жетіп, 6% өсім көрсетеді деп жоспарланып отыр (2019 ж.–388 млн. АҚШ доллары немесе 114,6%).
