ТМД-дағы әскери ынтымақтастық: халықаралық деңгейде қауіпсіздікті дайындау және қамтамасыз ету туралы негізгі тұжырымдар

452
Фотосурет: Gov

Мәскеуде ТМД-ға мүше елдер қарулы күштері Штабтар бастықтары комитетінің отырысы өтті, деп хабарлайды DKNews.kz.

Оған Қорғаныс министрінің бірінші орынбасары – Бас штаб бастығы генерал-лейтенант Сұлтан Камалетдиновтың басшылығымен Қазақстан Қорғаныс министрлігінің делегациясы да қатысты.

Отырыс барысында әлемдегі әскери-саяси ахуалдың белең алу тенденциялары, қауіпсіздікке қатысты сын-тегеуріндер мен қауіп-қатерлер мәселелері қаралды. 

Кездесуге қатысушылар ТМД-ға мүше мемлекеттер қарулы күштерінің ұйымдық-техникалық құрылымын қалыптастыру, бірлескен байланыс жүйесін құру және оның жұмыс істеу қағидаттары туралы ереженің жобасын талқылады. 

Ұшқышсыз басқарылатын құрылғыларды қолдануға қарсы іс-қимылды ұйымдастырудың заманауи тәсілдері айтылды. Одан бөлек Тәуелсіз Мемлекеттер Достастығына мүше мемлекеттер қарулы күштерінің қазіргі заманғы талаптарды ескере отырып, жауынгерлік даярлық пен далалық оқыту саласындағы өзара іс-қимыл бағыттары қаралды.

«Тәуелсіз Мемлекеттер Достастығы: ХХІ ғасырдағы әскери ынтымақтастық және қауіпсіздік» атты бірлескен ғылыми еңбек таныстырылды.

Телеграм-канал «Нефть и Газ Казахстана. Факты и комментарии». Ежедневные новости с краткими комментариями. Бесплатная подписка.

«DKNews» халықаралық ақпараттық агенттігі Қазақстан Республикасының Мәдениет және ақпарат министрлігінде тіркелген. Есепке қою туралы куәлік № 10484-АА 2010 жылдың 20 қаңтарында берілді.

Тақырып
Жаңарту
МИА «DKNews» © 2006 -